Queen of Social media tiah an auh i, social media ah fan tam taktak a ngei i, sau deuh a langh lo hmanh ah mipi nih a kawl in an kawlmi muidawh nu Kim Kardashian cu naite ah mipi hmaiah a rak chuak than. Mipi caah ruah dawmh ding zeihmanh ngei loin a tuah colh hna.
A chunglei thlam tiang a lang dihmi siangbah fual senduk angki aa hruk i, a hmailei cun a chunglei tiang mit nih a purh khawh dih. Pumrua tha le tungtai tha a si i, aa rem kho taktak, asinain mipi cu mit chiahnak ngei loin a tuah diam hna. Cheukhat caah cun mit thial sian ding in aa tuah ve lo. Kim hi social media caah cun ti le rawl bantuk a si an timi hi a hmaan chin lengmang.
Costa Rica ah an chungkhar in an tlawng hna. Nihnihni zan cu an chungkhar in lengah an chuak hna. Rawlei caan a zat in an rak chuak i a thilrhuk an zoh cu tha deuh in thilhruk caan a ngei ti lo hlah maw ti awk thlahthlam ngaiin lengah a rak chuak diam ko. A chunglei thlam vialte a lang dih. Cuticun zanriah an dum.
Baseball a tuknak luchun zong fek thup in aa khuh chih. A thilhruk nih a tungtai muisam le ngerhngawi vialte a langhter dih. A naunu Kylie Jenner nih a hnulei in a vun zulh. A naunu kum 19 zong hi social media ah a lar chin lengmang. Instagram fan hi 84.7 leng an si.
Nithumni zingka in cun Costa Rica in Airport leiah an rak phan than cang. A fanu North aa cawi pah i, US leiah rak zuan cang ding in Airport ah an rak phan. A nau Khloe zong Costa Rica an tlawnnak ah aa tel ve. Naite ah Dubai a tlawn hnu in US ah a kir i, atu cu Costa Rica in US an kir than cang. Ref: The Express.
Trump Thawngin Israel Ral A Tha Kho Tuk Cang
------------------------------
---------------------------------
--------------------------------------
------------------------------------------