Ismael Omer, 32 cu Saddam Hussain cozah ral tih in Uk ah a rak zammi a si i, dornak (asylum) a sawkmi a si.....
Kan khua cu ISIS nih an uk dih caah ka kir ngam ti lo tiah UK ah khua a sami a si. Ni kum August 27 ah tlaihhrem sual an puh i, thongthlak ding a si cang.
Kan khua cu ISIS nih an uk dih caah ka kir ngam ti lo tiah UK ah khua a sami a si. Ni kum August 27 ah tlaihhrem sual an puh i, thongthlak ding a si cang.
Biaceihnak zung nih an chimmi cu 'ngaknu a zurit buin na lem i, na inn pawng Holland Park Avenue ah na tlaihhrem' tiah sual an puh. Asinain Omer nih cun 'ka lem lo. Ngaknu nih sex tuah ding in a ka lem hmasa. Inn a tin lioah Bus nih a kal tak i, sex tuah ding in a kan lem hmasami a si' tiah biaceihnak zung cu a chimh hna.
Biaceihnak zung nih an chim thanmi cu 'CCTV ah kan in zoh hna tikah zu a rimi ngaknu hi lam hmanh tha thi in a kal kho lo. Sex tuah duhnak a ngei kho ding a si lo. Nangmah nih na lem caah a si ko' an ti. Ngaknu nih a chimmi cu 'ka vun i theih ahcun thil sining a hmaan ti lo timi ka theih. Asinain a ka tlaih i a ka nenh cang hnu ahcun zeihmanh ka tuah kho ti lo' a ti.
Biaceihtu Matin Beddoe nih a chimmi cu 'kha zanlei ah khan zu a ri tukmi ngaknu na ton. Zeihmanh a tuah kho i a ruat kho ti lomi a si. A phone zong a thlau i, a tinnak lam hmanh aa thei ti lomi a si. CCTV kan in zoh hna tikah ngaknu na hmuh cangka in a bawm kho phun in naa umter. Atu dirhmun nan phaknak ah hin na phak pimi a si' a ti.
Detective Constable Anthony Stanton nih ngaknu cungah aa lawmhnak a chim: 'harnak a tongmi ngaknu cungah kan i lawm. Kan hlathlai chung vialte raltha tein a chim dih. Fiang tein a tlaihhrem ko timi kan hmuh cang' a ti. Biaceihnak nih Omer cu tlaihrem sualnak in taza an cuai i kum nga thongthlak ding a si. Ref: The Express.
President Trump Nih ISIS Dohnak Lam (Plan) A Suai Dih Cang
------------------------------