Trump president a tlin hnuah sandahpiah le buainak a tam tuk caah Republican upadi sertu hna nih.......
Sandahpiahnak kong he pehtlai in states cheukhat ah upadi thar chuah pi an timhnak states, an chuah pi cangnak states, an lanhter cangnak states le hlawh a tlin lonak states tbk list kan vun langhter.
Sandahpiahnak kong he pehtlai in states cheukhat ah upadi thar chuah pi an timhnak states, an chuah pi cangnak states, an lanhter cangnak states le hlawh a tlin lonak states tbk list kan vun langhter.
Upadi Thar Chuah Pi An Timhnak State Hna
1) North Carolina: Trump cozah official an siah cozah official thing an siah a thihpheihtu, lehrulnak a chamtu le hrocernak a tuahmi paoh cu sualnak tuah (crime) ah ruahpiak i dantat an si lai.
2) North Dakota: sandahpiah tikah luan tuk in sandah a piahmi hna cu fak deuh in dantat an si lai.
3) Oklahoma: Tlanglawng lam, pipeline, mipi hmanmi thilri a hrawkmi sandahpiahtu paoh cu fak deuh in dantat an si lai.
4) Oregon: Ramchung ah fak deuh in buainak (riot) ah aa telmi college le University sianghngakchia paoh cu College le University nih chuah si hna seh!
5) Tennessee: Ruah lo piin motor mongtu nih sandahpiahtu a khawn/pah sual ahcun runven a si lai. Dantat a si lai lo.
6) Washington: Mipi lam le tlanglawng lam a khammi cu dantat an si lai.
Upadi Thar An Chuah Pi Cangnak State Hna, A Fiang Rih Lomi
7) Arizona: sandah an piah tikah buainak (violence) tiang an phak ahcun misual hna caah upadi kan ngeihmi hman a si lai.
8) Colorado: Zinaan le gas tbk hmang in sandah a piahmi an siah ningcang loin a hmangmi an siah dantat an si lai; zinaan lam (pipeline) phih hmangmi zong cu thiamthaim an si lai.
9) Florida: motor lam kham a hmangmi hna cu sualnak (crime) tuah bantukin ruahpiak an si lai i, sualnak tuah bantukin dantat an si lai.
10) Iowa: timh ciammam tein zapi lam a khammi hna cu kum nga thongthlak an si lai.
11) Minesota: Airport lam le zapi lam a khammi sandahpiahtu hna cu dantat an si lai. Sandahpiahnak a chuah pitu zong dantat an si lai.
12) Missouri: sandahpiahtu nih hmaikhuh hman ti lo ding. Firnak tuah lo ding. Sandahpiah tikah kan thei hna hlah seh tiin um lo ding. Cu bantuk a tuahmi cu phungning lo (illegal) ah ruah an si lai.
13) Mississippi: lam kham a hmangmi cu $10,000 dantat an si lai i, kum nga thongthlak an si lai.
14) Indiana: Zapi lam ah sandah a piahmi hna cu police nih a herh ning in dantat a si lai.
15) Michigan: Mipi tam tuk nih lamzawh in sandahpiah lo ding. Cu bantuk sandahpiah cu court nih fawi tein donghter khawh a si lai.
Upadi Thar An Ser Cangnak State Hna
16) Georgia: lam, zapi lam le lamkam tbk a khammi cu dantat an si lai.
17) South Dakota: Zapi lam kham a hmangmi dantat hna ding.
Upadi An Chuah Pi Nain A Hlawhtling Lomi State
18)Virginia: phungning loin sandahpiahnak or buainak (riot) hmun a chuah tak duh lomi paoh dantat hna ding.
Ref: Washingtong Post.