SWEDISH police officer Peter Springare cu mipem/refugee kong a ruah ah a sivang tuk cang. Mipem kongah fim aa cuh i, kutkhar kau piin refugee a dong i, a cohlangmi politcian upa cungah fak tuk in a zai cang. Kan ramchung sualnak le buainak vialte hi mipem le refugee tuahsernak lawng te a si a ti.
A rauh hlanah police rian ka tuannak kum 47 zong a tling cang lai i, kaa din cang lai, asinain mipem le refugee kongah fim kan i cuhter tukmi cu a poi taktak ko tiah fak taktak in ramchung riantuantu upa a mawhchiat hna. National Criminal Investigation Service nih kum dongh lai ah report an pek.
An report peknak nih zeitluk in dah mipem le refugee nih sualnak le buainak an ser timi a lang. An report mi ah cun 'hmun 50 leng ah hin 'no-go zones' an ti, a sullam cun misual an tam tuknak hmun an si caah ahohmanh kal lo ding ti a si cang. Police zong nih tlangtlak khawh lonak hmun an si.
Cun police an tteih zong a tam cang, hngakchia tiang nih hriamnam an i tlaih i, tlahremh a tam i, sualnak dangdang dong loin an tuah. Örebro police ah tuanvo ngeitu pakhat dirhmun in Mr Springare nih a chimmi cu 'report ah kan hmuhmi sualnak vialte hi mipem le refugee lawng te nih an chuahtermi a si' a ti. An ram min a tial i President Trump nih a khammi ram lawng an si ve.
Sualnak lei kongah tuanvo ngeitu lu bik a simi Deputy Chief thing nih a chim vemi cu 'politics kongah kan hmaan le hmaan lo kongah ka zeihmanh a poi ti lo. Ka baa tuk cang, bator hi' tiah fak ngaiin a chim. Kan sianginn zong a buai, kan healthcare zong a buai tuk, kan police zong an rawk dih cang, zeiruangah dah a si ti zong a hohmanh nih an chim ngam lo' a ti.
Mr Springare nih a chim thanmi cu 'kan ram nih liberal tuk in mipem policy kan ngeihmi nih kan ram hi a chungin a hrawh thluahmah cang. Mipem le refugee kong hi ka dirpi a sinain an sualnak nih kan ramchung system vialte rawhnak tlangpar ah a chiah dih cang' tiah fak ngaiin a lungchung sivanghnak a phuan. Ref: The Express.
1 Million Leng Refugee A Lakmi Cu Aa Palh Tuk Hringhran: Donald Trump Interview
--------------------------------------
Clinton Nih Trump He An I Dohnak CAUK A Chuah Lai
-----------------------------------------