US District Judge James Robart nih President Trump Muslim khamnak nawl a chuahmi a khampiak than komi cu thinkhanh ngai cu a si ko lai. 'Biaceihtu nih a tihnung tukmi hmun ah kan ram an chiah ding cu ka zum kho lo. Thil pakhatkhat a can ahcun amah ruang le kan system ruangah a si lai' a ti.
President Trump nih twiiter in a tial thanmi cu 'kan ramchung ah Muslim a bungh in an vun i bung cang lai. A poi taktak a si' a ti. Biaceihtu Robart zong 'zumh awktlak lo biaceihtu' tiah a auh. Cu kong he pehtlai in BBC nih Vice President Pence zong biahalnak an tuah i, Mr. Pence nih fianternak a tuah hna.
Pence nih a chimmi cu 'President Trump nih Muslim khamnak nawl a chuahmi hi 'phungning a si pinah a herh hrimhrimmi a si. Kan ram himnak kongah tuanvo ngeitu le nawlngeitu cu President a si bantukin a thil tuahmi hi a herh hrimhrimmi a si' tiah biaceihtu cungah lungtling lo ngaiin a chim.
President Trump nih twitter in a tial thanmi cu 'zumh awktlak lo biaceihtu ruahnak hi nichuak zong a si i, kan hrawh than lai. An riantuan nih kan ramchung upadi zul in rian kan tuanmi a kan lak khanh. A tihnungmi dirhmun ah kan ram a chiah caah Robart hi mawhchiat awk aa tlak' a ti.
Trump nih a tial thanmi cu 'kan ramchung ah a lutmi tha tein nan chek dih cang hna lai tiah Homeland Security kan chimh cang hna. Biaceihtu nih riantuan kho loin a kan tuah cang' a ti. Cheukhat nih an chimmi cu 'President Trump nih biaceihtu a tteihmi hna cu thil tha lo ngai a si' an ti. Ref: CNN.
Refugee Sualnak Nih Sivang In Sweden An Tuah Cang Hna
-------------------------------------------