President Trump nih Betsy DeVos cu Education Secretary caah a thim. Asinain nikhatni zan in Senate nih fehter ding in an ceih i, fawi te ah biachahnak an tuah kho lo. Nihnihni zing tiang a phan. Vote an thlak than i, an vote zong 50-50 bakte in aa tluk.
Fawi tein an cohlan khawh lonak ruang cu fehternak an tuah lai ah bia an chimter i an lung a tling lem lo. Cheukhat sianginn ahcun sianghngakchia nih meithal zong ken a hau ko zeicatiah sianginn pawngah vom tbk an um caah pumvennak caah meithal a herh a ti. An uar lo ngai cang.
An uar lonak ruang dang hna cu Public Sianginn ah hmuh-tonmi a ngei lo ti le a dangdang an um len rih. Democrats lei nih cun an duh lonak 24 hrs chung an langhter. Zan khuadei tiang an i al hnuah nihnihni zing leiah Vice President vote thlaknak in an fehter khawh. 51-50 in President Trump lei nih an tei. 2008 in vice president a voikhatnak vote an thlak a si. Trump nih a team a duhmi a tuahter khawh hna.
Republican leiin upa pahnih nih vote an thla duh lo. A rak hnatlak pi lo bantukin vote thlak caan tiang in an thla duh. Cu nih cun khua a sual khun hna. Democrats lei nih cun pakhat hmanh a thla duh lo.
Senate minority Democratic leader Chuck Schumer cu a lungtling lo ngai. 'Nihin ah ahohmanh nih an tuah bal lomi Vice President Mike Pence nih a tuah: bia aa khiak kho ti lomi cu vote a thlak i an tei' a ti. DeVos nih twitter in Senate cungah aa lawmhnak a langhter. Sen. Chris Murphy nih cun 'Devos nih federal upadi theih dawh a si lo' a ti.
A chim thanmi cu 'a donghnak lei a biachim ning in a si ahcun Education Secretary riantuan ding hrim a rak si lo' a ti. Ref: CNN.
KIA Sakhan Pahnih Sunghnak Kongah KIA Ralbawi Gun Maw Bialehnak
-----------------------------------------