'Home work tuah ka duh i, ka hawi nu sinah Geometry cauk ka hlang i ka rak tin lio a si' tiah Alyssa Otremba nih a nu sinah message a kuat. A rak tinnak lam ah cun Righetti he an i tong i, a hlen i hmun dang ah a kal pi tiah police nih an chim.
Hi thil a can hi September 2011 ah a rak si. Ka rak tin lio a si tiah a fanu nih a nu sinah message a kuatmi cu a rak tin ti lo. Javier Righetti nih a rak fir i, hmun dang ah a rak kal pi diam cang. Biaceihnak zung ah a chimhmi hna cu 'a hmai le a pum ah namte in ka sawh dih cikcek hlanah ka tlaihhrem ko' a ti.
A chim thanmi cu 'ka thaihhrem hnuah namte in a hmai he a pum he namte in ka sawh dih. Voi 80 ka sawh. A pum cungah LV zong ka suai. Las Vegas pawng i thise ramcar ah a ruak ka khangh' tiah biaceihnak zung ah a phuan.
Police nih an hlat i an tlaih lio zong ah a phuanmi cu 'kan tlaih i ka hlonh, taklawng in ka chiah i ka tlaihhrem i ka thah. A phone zong ka lak. Tangka in cun zei poah a fawi tuk' tiah police sinah a chim. A voikhatnak sualnak a tuah lawng si loin nu pathum a tlaihhrem cang hna. Cu chungah a far pakhat zong aa tel.
A far nu nih biaceihnak zung ah a chimmi cu 'zaangfahnak tein a nunnak cu kan zuahpiak ko u. Ka pa hi a sual tukmi a si i, a cawnpiak tawnmi cu nu cu nan duh ning paoh in tuah hna u a ti lengmang caah a si' tiah a chim. A dirkamhtu dangdang zong nih nunchung in thong thla u law a nunnak cu zuah ko u tiah an nawl hna.
A sualnak ngaihthiam awk a that lo caah a ra laimi nihnihni ah thihdan an pek lai tiah an thanh cang. Alyssa a thah ahhin kum 19 lawng a si. Thihdan pekmi ahcun a no bik a si. Alyssa nu Jennifer nih cun 'dinnak in a bia an ceihmi cungah kan i lawm. Kan tei hna a si lo. A tuah bantukin a zunmi a si' a ti.
'Kan chungkhar pahnih in kan rawk. Kan nun a har tuk hringhran. Alyssa loin kan nunchung kan um cang lai' a nu nih a tap buin a chim. Ref: The sun.