Nu tlaihhrem a hmangmi pa cu Italy ram khua pakhat Turin biaceihtu nih a sualnak a um lo tiah biachahnak a tuah cang. A ka tlaihhrem tiah sual a puhtu nu nih tehte tha fiang tein a chim kho lo. A tlaihhrem lioah a rak ai lo, cun a tap fawn lo.
Biaceihtu nih fiang tein an hal tikah a tlaihhrem lioah hin a ai zong ai lo; a tap zong a tap lo tiah biaceihnak zung ah tehte chim a si. Biaceihnak zung nih cuti a si ahcun tlaihhrem a si lo. Sual na puhmi pa hi sualnak a ngei lo tiah biachahnak an tuah.
Asinain biachahnak an tuahmi nih biaalnak fak ngai a chuahter caah an case tha tein kan hlat than lai an ti hna. An pahnih in an min langhter an duh lo.
Biaceihtu nih an chim ning ahcun sual a puhmi pa le a tlaihhremmi nu hi hawikawm an si. A tlaihhrem lioah hin nu cu voikhat hmanh a ai lo. A tap zong a tap lo. 'Za cang seh' tiah a chimmi te lawng a si. Cucaah nangmah lungtho tein naa pumpek caah a si ko an ti.
Nu tu kha biahal ding tam an ngei than i a tlaihhremtu pa tu cu a sualnak in thianter a si cang. Ref: CNN.