Saudia Arabia nawlngeitu hna cu fak taktak in an vun soisel hna; capo tiang in an seih hna. Saudia Arabia hi nu hna covo kongah zawnruahnak a ngei lo taktakmi an si. Nu hna covo kongah cun an tuanbia a chia zungzal.
Asinain Nitlak ram nih nuvo kongah biatak tein thazaang an pek lengmangmi hna an si.
Tu chun ah Saudia Arabia peng kip chung Nu Tonpumhnak Council (Qassim Gils Council) kan tuah lai an ti i, an vun tuah taktak cu social media kip ah zoisel le capo seih an tong. Saudia Arabia siangpahrang Faisal bin Sauh hna nih cun nu tonpumhnak tuah ding cu a hnatlak pi ngai hna. Mipi lakah nu hna cawlcanghnak lam sertu a si lai a ti.
A chim thanmi cu Qassim peng ahcun nu hi kan farle bantukin kan zoh hna i, pa zong an tale bantukin a kan ruah. Nu hna caah kau deuh piin khua kan ruah a hau. Nu hna covo fak deuh in kan ruah a hau cang' tiah thazaang zong a pek hna. Asinain khuaruahhar tuk thil an hmuhmi cu an Council ah nu pakhat hmanh an lang lo.
Upa deuh minung 13 an i pum i, nu hrimhrim an lang lo. Asinain nu cu an um ve ko tiah report nih a chim. Asinain khaan dang ah an umter hna tiah a chim chih. Facebook in minung pakhat nih a tialmi cu 'nu pakhat hmanh an i tel lo. Zeitin dah Islam nih nu thazaang an pek hna ning a si lai? Ka chim tuah u!' tiah a tial.
Minung pakhat nih a tial thanmi cu 'Saudia Arabia kong ceih awk ah nu tonpumhnak Council an tuah than i, nu an i tel lo. Nu tel hi a biapi tukmi a si' a ti. Minung pakhat nih a tial thanmi cu 'muihnak ah a ummi pengmi society' a ti ve. Social media kip ah an mualpho a fak taktak hna. Ref: The sun.