Zu dawr manager Maxine Wiley, 23 cu Uk i a zu dawr pakhat chungin theih lomi tlangval pahnih he an rak chuak. CCTV zong ah an chuah lio an hmuh hna. Caan zeimawzat a ruah hnuah a tlangval pa sinah ca a rak kuat i a tialmi cu 'thil thalo ka tuah. Kaa nuam lo tuk' a ti.
A hnuah an hmuh tikah cun a inn khaan chungah a rak i tlai cang. A pum an chek tikah a thisen chungah zu a rak um cang ti a si, drug zong an hmuh. Cun a dangdang zong an hmuh chih. Police nih cun a chuah pimi minung an si lai lo; amah tein aa thatmi a si ko lai tiah an zumh. Asinain ngaknu a pa Anthony nih cun ahodah an si tiah a hlatter hna.
CCTV ah fiang tein ka hmuh hna. Tlangval pahnih he an chuak ko. Ka fanu hi aa nuammi a si. Hi bantuk tiang a phan ding a si lo. An pahnih in police leiin zeital biaruahnak a um cang maw tiah a hal hna. Police leiin Sergeant Andrew Mason nih cun 'ahodah an si kan thei rih hna lo' a ti.
A tlangval William sinah ca a kuatmi cu 'thil tha lo ka tuah. Kaa nuam lo tuk' a ti. William cu a rannak in a rak ra i, inn a phanh ahcun inn khar aa hrenh i, a rak let ti lo. Thlalang a kuatmi in a lut i, a rak i thlai ko cu a hmuh cang. Bawmtu dangdang a auh hna i an thangh len cu aa thaang kho ti lo. Ref: The sun.