TV nih Taluk sexy ralkap nu pawl a langhter hna i, Taluk ralkap upa pawl cu a celh in an celh lo. Ralkap phung le phai fekthup in a zulmi ralkap upa hna caah cun sexy ralkap nu hmuh cu phundang ngai khi a lo. Kan ram le kan ralkap phung le phai an thangchiatter an ti i, fak ngaiin an zai hna.
Ralkap lei media zong nih 'nan i langhsar tuk' tiah a vun phomh len hna. TV ah an vun langhtermi ralkap nu hna cu Flaming Phoenixes of Special Forces ti an si i, an thil hruk le umtu zoh cun an sexy kho taktak. Cheukhat social media nih cun 'Taluk cu vawleicung ah a sexy bikmi ralkap nu umnak inn a si' an ti.
Taluk ahcun Jilin Peng i Bethune Military Medical College ah a kaimi ralkap nu lawng hi ralkap cernak ah aa tel khomi an si. Taluk ralkap nu kong vawlei nih biatak tein an vun theih hna hi 2015 i a voi 70th World War II Aniversary an tuahnak in a si. Japan kan teinak (Victory Over Japan) ni tiah an auh i, ralkap cernak a ngei hna.
Taluk ralkap nu pawl zong an i cer len hna. Mah ni ahcun Taluk hruaitu upa lianlian nih an ralkap nu hna cu upatnak zong an pek len hna. Bo Chi Minh nih a chimmi cu 'keimah hi ralkap cu ka si lo nain Bethune Military Medical College nu pawl an vun i cer ahcun hlasak pi loin ka um kho ve hna lo a ti. Ref: The Express.