Angelina Jolie le a fale a hniang lei pathum he London cauk dawr ah an leng. A mithmai a panh kho tuk tiah a hmutu nih an chim. A pasal thing Brad Pitt he an i then hnu in a fale he lengah an chuah a voihnih thumnak hrawng a si lai. A fale zong an mithmai a panh i an i nuam ngaingai tiah a chim chih.
Kum 41 mintami Jolie nih a fale Shiloh 10, faphir Vivienne le Knox 8 cu London i Waterstones ah a len pi hna. Angki fual a raangmi aa hruk, kedil saang aa danh i, mithman naak aa benh chih i, aa rem kho tuk. A fale he caan hman ti cu aa nuam i nih le kheh lawng a rian ko. A fale he an i then bal lo.
London an rak lennak ruang pakhat cu 'Preventing Sexual Violence Initiative' an dirhmi a kum nga tlinnak Anniversary tuah pah in a rak rami a si. 2012 ah an rak dirhmi a si. Foreign and Commonwealth Office zong ah vawleicung ah harsatnak a tongmi runvennak kong zong nikhatni ah a chim.
A chimmi cu 'ramchung raldohnak um tung loin daihnak in ramchung minung an um ko buin buainak le nu tlaihhremnak a chuah pimi minung hna cu upadi nih dan a tat hna ding hrimhrim a si. Mah kongah hin cun kan i fian taktak a hau. Nu nih harsatnak an tonmi le tlaihhrem an tonmi hi fak piin dantatnak phung kan zulh awk a si' a ti.
A chim thanmi cu 'ramchung raltuk lioah hi bantuk a can sual ahcun raltuknak nih a chuah pimi a si ti khawh a si. Raltuk lioah cun aho poah hran cio le thinhun cio a si. Cucaah kham awk a tha lomi thil cang ah ruah an si, asinain daihnak caan lioah cun ngaihthiam awk a tha lo. Upadi nih dan a tat hna ding a si' a ti. Ref: The sun.