Ka tlangval Jonathan Fabbro le a lentecelh bu (team) a donghnak puai tiang an kai khawh ahcun ka phoih hnawh dih hna lai tiah muidawh model Riquelme nih a kamh hna. 2010 World Cup lioah Paragua lentecelh bu a kamh bal cang hna. An rak sung ko nain a dangh thiamthiam hna. Tutan zong ka taklawng in ka phoihpiak than hna lai tiah a kamh than hna.
A tlangval Jonathan hi Mexican League ah Chiapas caah a chuihmi a si i, an tha thawh ngaingai lio a si. A ngaknu Larissa Riquelme zong nih thazaang pek pah le forhfial pah can ah tiah a donghnak tiang nan kai khawh ahcun taklawng in kan phoihpiak dih than hna lai. Kan pumsa kan dangh than hna lai tiah a kamh hna. Cruz Azul nih 0-2 in an tei cang hna.
Univision TV nih bia an hal. Chiapas nih a donghnak (final) tiang an kai ahcun naa phoih than ti lai maw tiah an hal. 'A donghnak tiang an kai khawh ahcun phoihpiak cu a tha chinchinmi a si ko tiah ka ruah. Teinak hmuhnak ding ahcun an i zuam ngai a hau. Phoihpiak ding in ka kamh hna ahcun an thatho deuh lai i an i zuam deuh ko lai tiah ka zumh a ti.
'Jonathan he zong in kan i phoih ti te ko lai. Nu zong nih hmuh an duh ve lai' tiah a leh chih hna. Kan lentecelh bu hna caah ka laksawng pakhat zong a si i Paraguay mipi vialte hna ca zong ah a nuam dingmi laksawng a si lai tiah a chim chih. Jonathan le a lentecelh bu nih a dongh tiang an kai lo hmanh ahcun a phoihpiak than te ko hna lai tiah an zumh cang. Ref: The sun.