Nufa hna cu mithal nih a rak len hna. Mithla a um le um lo zong an thei lo. Asinain thla kua lawng a si rihmi a fanu Nylah cu tuang ah amah lawng lente aa celh. Mithla a hmuh cun mithla leiah a kal. A nu nih cun zeidah a tuah timi a thei lo nain a fate nih cun a hmuhnak lei paoh ah a kal i, aa nuam ngai.
Jessica Lewis 26 nih a chimmi cu 'ka hmu colh lo. Ka fanu hi video ka zeih lengmang. A hnuah ka video cu ka vun zoh than i, 'Oh my God, zeidah a si' tiah khuaruahhar ngai in ka zoh. Ka taksa mit nih cun a hmu lo nain video ah a rak lang. Video ah a langmi muisam cu thawngpang zong a ngei a ti.
Video a zeih lioah cun zeihmanh a rak hmu lo; thawngpang zong zeihmanh a thei lo. Video a zoh hnu lawng ah ka theih ve. Kan pahnih lawng in kan um lioah cun inn chungah zeihmanh a um lo. Keimah le Nylah lawng kan si ko' tiah a chim. 'Nylah cu aa nuam tuk i, a hmuhmi leiah a vak lengmang a ti.
VIDEO zong zoh u law Nylah nih a zoh lio nan hmuh lai. Mithla a kalnak paoh ah a kal ve tiah a chim chih. Kan hawi nu a chungkhar pakhat nih ka fanu chuah lai aa ngaih tuk tawn. Asinain ka fanu a chuah hlanah ruah loin a kan thih tak. Mithla kan hmuh ni hi a thih kum khat tlinnak zong a si a ti.
Jessica nih a chimmi cu 'kan hawinu chungkhar nu thla a si ko lai. Ka fanu hmuh hmuh lai kong a chim lengmang. A thla nih a kan lenmi a si lai tiah ka zumh' a ti. 'Ka tih lo' tiah a chimh chih. Nylah nih a hmuh ah hin aa nuam i hawikawm zoh in a zoh. Dawtnak in a kan lenmi a si ko lai tiah ka zumh. Kan pahnih lawng in kan um zong ah ka ning ti lo a ti. Ref: The Express.