Australian Channel Seven's Sunday Night nih ralbawi thing zong a si i, Princess Diana tlangval thing zong a simi James Hewitt cu naite biahalnak an tuah i, siangpahrang nu Diana fapa Prince Harry hi na fapa a si tak maw tiah fiang ko in bia an hal. Kum tampi chung biachokvai a um cangmi a si. Asinain ka fa a si lo tiah a chimh hna.
Princess Diana he an rak i duh lio kong zong a chim. Biahaltu Melissa Doyle nih a halmi cu 'Prince Hary hi na fa a si tak maw? Kum tampi chung biachokvai a um cangmi a si. Fiang tein kan chim tuah' tiah a hal chih. James Hewait nih 'a si lo. A pa ka si lo' a ti. Siangpahrang nu Diana a nun lio i an rak i duh lio caan hman tinak vialte an chim.
'Kan rak i duh lio ahcun rili kam tbk ah kan leng ti, hmun khat ah kan um ti i, keimah nih rawl ka chumh i Diana nih thil a suk. Zanriah kan ei ti; kan i nuam i kan ni ti' tiah a chim. A chim thanmi cu 'taksa duh taktak in kan rak i duh. Kan rak i duhnak vialte kha kaa ngaichih naisai hna lo' tiah a chim chih. Prince Charles he an i um hnu tiang an rak duh.
Prince Charles zong a thli in atu lio a nupi Camilla Parker-Bowels he an rak i duh pah. Diana he an rak i um cang nain a rak hlen lengmang. Diana le James zong an rak i duh ve. Asinain James tu cu ralkap a si bantukin Muslim ram ah an rak thlah. Mah hnu cun Diana he zong an i tong kho ti lo. Kan i thennak cu mah ruangah a si; kaa ngaichih cemmi zong a si a ti.
Muslim ram ah an thlah tlawmpal ah Diana he an i duhnak vialte media ah an lang dih colh ve. Prince Harry hi James Hewitt pa a si tiah media zong ah an rak khat dih. Aho poah nih James fapa a si ko an ti. Asinain Diana rawl sertu Paul Burell nih cun James Hewitt ding cun a si kho lo a ti ve. Prince Harry bawhte a si tiang ah an i tong lo a ti ve. James zong nih a fianter ko nain an zum kho hlei lo. Ref: The sun.