North Korea nih a luan cia nili hrawngah khan a rocket engine a hneksak i, 'kan hlawhtlinnak nganpi pakhat a si' an ti i, an i lawm tuk. US lei zong an vun lau pah. An engine hi lamhla a kap kho missile caah an hman khawh te lai tiah an zumh.
Asinain nithumni zing ah North Korea nih missile thar an hneksak than i, a tlolh tiah South Korean official nih an chim. US le South Korea nih missile hneksak an timhmi kan theih ko hna, asinain an missile hneksakmi a tlolh. An thlah second tlawmpal ah a puak colh tiah South Korean defense Ministry leiin an chim.
N. Korea leiin fianternak zong an tuah rih lo. An missiel tlolh hi a tam ngai cang. US le South Korean zong kum tin a tuah tawn bantukin training an ngeih cuahmah lio a si. An training tuahnak min cu 'Foal Eagle' tiah an auh. March 1 in an thok i April 30 an dih te lai.
North Korea nih lehrul in an missile an vun hneksaknak zong a si. North Korea hruaitu Kim Jong-un missile hneksak ning hi a rang chin lengmang cang. Tuah a duhmi a um ko tiah a lunghrinhmi zong an um cang.
Marh 6 ah khan North Korea nih lamhla a kap khomi (long-range intercontinental ballistic) missile pali hneksaknak a tuah. Pakhat cu Japan rili ah a tla i, pathum cu meng 200 aa hlatnak Japan rili kam ah an tla. Expert lei nih an chimmi cu 'North Korea nih a missiel program a hnawh chin lengmang cang an ti. Ref: CNN.