Campaign lioah ka hrawh lai tiah fak taktak in a doh lengmangmi Obama Health Care hmaika ah President Trump cu a boktakhup bak in aa teng diam. Ningaini ah Obamacare thlennak le remhnak vote thlak ding a si nain an sungh ding a fian caah an i let than.
Congress ah vote an thlak taktak ahcun an sung lai. A zafang in vote an ngei lo. Washington Post ah Trump nih a chimmi cu 'vote thlak kan timhnak ah Democrats leiin vote pakhat hmanh kan tong lo. Kan ning zong a zak pah. Cucaah vote thlak loin kan i let than' tiah a chim.
Vote thlak lai taktak i an i let thanmi cu President Trump caah sungh taktak a si. Campiang lioah a doh tukmi cu a tei kho than lai. Obamacare an thlen khawhnak ding ahcun vote 215 tel hi cu an hmuh hrimhrim a hau. Asinain ningani tiang ah 215 an tlinh ti lo.
Congress i House le Senate ah Republican nih milu cun an tei hna. Asinain Trump Health Care hi Republican upa 28 in 35 karlak hrawng nih an doh. An chimmi cu Obamacare hi Trump Care in kan thlen hmanh ah thathnemnak a ngei lo an ti. Mipi leiin poll an tuahmi zong ah 17% lawng nih an hnatlak pi.
Mipi sin hrimhrim ah Trump Care hi a minthang lo tuk. Vote thlak an i let than hnuah Trump nih a chimmi cu 'Obamacare hi a kan puah hnawh cang lai a ti. House i biachimtu Payl Ryan cu Trump nih a thangthat ngaingai.
Paul Ryan zong nih a chimmi cu 'kan hmuh khawhmi hmailei tiang cu Obamacare he kan um cang lai. Ningani cu kan caah thachia ngai a si. Thil ngan tuah cu a fawi lo' a ti. Ref: BBC.