California in Florida tiang buainaka linsa ko cang. Nirukni ah President Trump tanhtu pawl hna cu
US State zeimaw ah pumhnak an ngei hna. Asinain Trump dohtu pawl nih hnahnawhnak an pek hna i, fak ngaiin buainak an ngei hna. A thisen tiang in an i chuah cang hna.
US State zeimaw ah pumhnak an ngei hna. Asinain Trump dohtu pawl nih hnahnawhnak an pek hna i, fak ngaiin buainak an ngei hna. A thisen tiang in an i chuah cang hna.
California i Berkeley khua lengbang hna ahcun fak tuk in buainak le tukvelhnak a chuak. Police nih minung pahra hrawng an tlaih hna. Police nih an chimmi cu Trump tanhtu le dohtu karlak ah buainak a chuak i, minung pasarih leng hliam hma an tong i sizung tiang cu an phan lo an ti.
Police nih tlakrawh, thir fung, namte le hriamnam dangdang an chuh len hna. Tennessee zong ah an buai i police nih an tlaih len hna; Washington zong ah an buai i police nih a tlaih len hna. Police nih an tlaihmi hna cu aho an si zong theih an si rih lo an ti. Ohio i Trump tanhtu pakhat Margaret Hoew nih cun 'ramchung buainak hmanh a chuak te ko lai' a ti.
'Hi bantuk thil umter cu kan duhmi a si lo. Tu chun ah Trump tanhtu nih lengah kan rak chuah hnawh chan cu hi bantuk thil tuah duh ah a si lo. Trump minung kan si bantukin kan tanhnak langhter cu kan rian a si i, Trump zong nih a kan hmuh ve ding a si. Asinain a poi ngaingai ko' tiah a chim chih.
Satan Minung Ciammam
Pennsylvania zong ah Trump tanhtu pawl tampi an i pum. Minung pakhat nih 'Trump tanhtu dai tein kan um ti lai lo. Tam deuh hi Trump tanhtu kan si' tiin aa tialmi signboard aa tlaih. North Carolina ah cun mipi nih a dingfel lomi media zong Republican dohtu nan si tiah an phomh len hna.
Indiana in Patty Collins nih cun 'dohtu nih Trump hi caan tha pek zong an tim lo. Soisel le doh lawng te an rian' tiah thinhung ngaiin a chim. Ref: The sun.
A Mak Ko! Khuaruahhar Taktak Si (Video Zoh Chih)
----------------
--------------------