Hlasak tham Katy Perry he an i then ni hnih-thum hnuah Orlando Bloom cu Malibu rili kam ah a lungfahnak
hnemh awk ah ngaknu dang he caan a hmang. Perry he an i thenmi nih Orlando lung a fahter ko rua an ti.
hnemh awk ah ngaknu dang he caan a hmang. Perry he an i thenmi nih Orlando lung a fahter ko rua an ti.
Asinain rili kam i ngaknu he an um ning zoh ahcun ngaknu dang a ngei than hlah maw ti awk in a um. Malibu rili kam ah a thumi ngaknu hna sinah a kal i an kut zong a tlaih hna. Biaruahnak zong an ngei. A pawngka a thumi ngaknu zong an i hliphlai ngai hna, asinain aho an si theih a si lo.
Orlando ngaknu an si le si lo zong theih an si lo. Caan zeimawzat a hman hnuah rili kam i Soho House hotel ah a kal than i, Global Green Charity chairman Les McCabenga fanu he an i hnam len than hoi.
A hmutu pakhat nih a chimmi cu 'Katy Perry si ning law nu dang sinah hi bantuk umtu khi cu ka tlangval pa cungah ka lungtling hnga lo' tiah aa ceih len. Asinain Perry cu London i Brit Awards ah hla a sak cuahmah lio a si. Orlando tu cu mirum pa fanu Erin McCabe he hotel chungah nuam ngaiin caan an rak hmang.
ROrlando & Erin
A caan ah an i hnam pah, an kut an i tlai pah i, neih tein bia an i ruah pah. Erin nih Orlando cu a hnakhawh hram ah biatli a chim hnuah an chuak i, hmun a kinnak ah an kal i, caan zeimawzat a rauh hnuah an rak chuak than.
An rak chuak than i, hmun khat ah an thu i, Orlando nih Erin liang cungah a kut a chiah chel; a phei a muaipiak chel lengmang a si. A hmutu nih cun lunghrinhnak pelpawi hmanh an ngeih ti hna lo. Ref: The sun.
An I Thennak Kongah Zeitin Dah An Chim?
----------------------
-------------------------