Jesuh Khrih cu Pathian riantuan ding in a caan a nai chin lengmang cang. Thise ramcar hmun ah a kal i Pathian sinah rawlulh in thla a cam. Ni sawmli le zan sawmli chung rawlei lo le tiding loin a um. A taksa an tla dih i, a vun hawng vialte an car dih.
A thazaang a di tuk hringhrang. Ramcar lak i rawlulh cu a fawi lo tukmi a si. Ni a lin, a sa, a rocar i, a lum. Zeitluk in dah a tihaal hnga i a rawltam hnga. Cu lioah Santan a rak ra i, rawl kong a ceih pi. Rawltam tuk lioah rawl kong vun ceih pi cu tluk sual a fawi te. Asinain Jesuh Khrih Pathian bia in a doh.
Jesuh teinak kan teinak!
Jerusalem biakinn sangbik cungah a kai pi than i, 'kahin zuang law vancung mi nih an i tlaih lai i naa khawng lai lo' tiah Bible caang merh in a tukforh than. Jesuh nih Pathian bia in a doh i a tei than. Santan nih tlang sangbik ah a kai pi than i 'ka hmaika ah kun in ka bia law vawleicung pennak vialte kan pek dih lai' tiah a tukforh than.
'Satan, kal!. Bible nih 'Na Pathian lawnglawng na biak lai i, Amah rian lawnglawng na tuan lai a ti' tiah Bible nih a tei than. Voithum tiang bak te a rawltam i a tihaal tuk lioah a tukforh i a tei lo. Satan nih amah kut tangah riantuanter le umter a rak duhmi cu a hlawhtling lo. Video in zoh chih law na zumhnak thazaang a pek ngaingai lai.