Paris ah police pakhat nih Taluk pa thi lak in a kah i, an buai tuk lio a si. Mipi nih Police station ah an buai hnawh hna i police pathum zong fak ngaiin hliamhma an tong i, mipi leiin minung 30 leng tlaih an tong cang.
Police nih an chim ning ahcun kum 56 Liu Shaoyo nih police pa cehrep in sawh a timh i kan kah an ti. Inn leng a rak chuah cangka in a haar taktakmi cerep in police pa a sawh i kuan khamnak phaw i hruk hlah seh law a hlimh lai tiah police pa nih a chim.
A pawngah a ummi police nih thi lak in a vun kah colh. Asinain a thimi chungkhar nih cun police chimmi hi a hmaan lo an ti. A thimi fanu nih a chimmi cu 'ka pa hi French holh tlawmpal te lawng a thiammi a si. Inn kaa hram a kal ah hin nga cennak caah cerep a hman tawnmi aa put ko tiah a chim.
'Kutkhar an den i an kah colh, cun kutka hram ah ka pa cu a thi colh' tiah a fanu nih Parisian newspaper ah a chim. Taluk Foreign Ministry leiin an vun zai hnawh colh hna. 'Na ramchung minung tha tein na runven hna ding an si' a ti. A ruang zong fiang tein kan chim u' tiah an hal chih hna.
Nihnihni ah a chungkhar zong biahalnak an tuah hna lai. Nikhatni ah minung 150 leng nih police ralchanh in sandah an piah hna. French police cawlcangh ning thang a chia chin lengmang. Tutan Taluk pa an kahnak kongah ahodah a palh ti a fiang rih lo. Ref: BBC.