Turkey ah thimnak a nai chin lengmang cang. Turkish President Erdogan zong president nawlngeihnak tlaih a duh rih caah biatak tein campaign a tuah cuahmah lio a si. A ramchung lawng ah campiagn tuah aa zat lo caah Europe ram tuah chih a duh, asinain an rak sianh lo caah a thinhung tuk.
Europe ram kip Turkish khuasa hna cu 'tefa tampi ngei u law Europe ah khan khat dih u law uk hna; nithlak ram zong nan uk dih hna lai. Kan cungah that lonak an tuahmi vialte nan lehrul te hna lai' tiah a forhfial hna. A chim thanmi cu 'nanmah hi hmailei Europe ram ruahchannak nan si' a ti hna.
Euroep ram ah Turkish miphun hi 2.5 million hrawng an um hna i, Turkey President thimnak ah vote thla kho lawng te an si hna. President Erdogan nih Europe ram kip ah tlawn hna i campaign tuah hnawh a duh hna. Asinain Germany le ramdang tbk nih an sianh lo. Mah ruangah a thinhung ngaingai.
Europe ram ah campaign tuahter an sianh lo caah a hrocer ve hna. EU he hnatlaknak kan tuahmi ka thleh than lai i, refugee kutkhar ka on lai i, Asia, Middle East le Africa in refugee in a bungh in ka rak bungh hna lai tiah a hrocer hna. Europe ram refugee luhnak caah Turkey hi kutkhat bantuk a si. Ref: The sun.