President Trump nih nizan nikhatni ah Refugee le Muslim ram ruk khamnak min a thut than. January 27 ah a voikhatnak a rak thutmi he cun aa dang deuh cang ti a si, asinain dohtu pawl nih cun aa dannak a um hlei lo an ti. Iraq aa tel ti lo; cun a dang cu amah ning an si ko tiah an vun doh thluahmah than.
Hawaii State nih tazacuainak ca an tial cang. An chimmi cu Trump minthut thar nih nih Hawaii khuasa Muslim harsatnak a pek tuk hna lai an ti. US States dangdang panga nih an vun doh ve cang. Washington i The West Coast state nih an chimmi cu January 27 ah a rak thutmi he aa dannnak a um lo an ti ve.
Cucaah Seattle Federal biaceihtu nih tuan deuh ah nan khampiak cang bantukin khampiak than ko u an ti. Oregon, Mennesota le News York zong nih an vun doh cang. Massachusetts zong nih kan vun i tel colh lai tiah a thanh cang. Fak piin linhsatnak a chuah pi than lai tiah an zumh. Vanchiat ahcun an thahpiak than khawhmen ti a si.
Fak taktak in a dohtu Washington State attorney general Bob Ferguson nih a chimmi cu 'tutan minthut cu tuan deuhnak cun a bi deuh cang, asinain phunghram he aa kalhnak cu a tliang deuh hlei lo' a ti. Phunghrang he an i kalh ko rih a ti. Amah hi fak taktak in a dohtu a si. Nithumni ah Hawaii State nih tazacuainak ca an tialmi cu March 15 ah ceih a si lai. Ref: VOA News.