U.S. Army's 25th Infantry Division 1st Stryker Brigade Combat Team cu Hawaii State ram lakah training an kai. US ralkap training kainak a biapi ngai ah an ruahmi pakhat cu ram lak training kai hi a si. US ralkap hi Muslim ram ah ral a do lengmangmi an si bantukin ram lak raldoh hi an cawn ngaimi a si.
Brig. Gen. Stephen Michael nih a chimmi cu Muslim ram Iraq le Afghanistan tbk ah kum tampi ral kan doh caang i fak deuh in training kai kan herh timi kan theih hnuin atu bantuk training kainak hi kan sermi a si. Kum zabu 25 kan phak tikah cun kan raldohnak hi a har chin lengmang te lai tiah a chim.
A chim thanmi cu ram lak training kai hi 1999 in kan rak ngol. US Inn Sang pahnih an kah hnuin Muslim ram ah ral kan doh hnuin ram lak training kai kan herhnak a lang chin lengmang. 2013 hnuin tlang cung training le ram lak training kan ngei than hna. Brazil le Brunai le ramdang ah kan ralkap zong kan thlah hna.
Ram lak training kainak thazaang kan vun pek chin lengmang than. A thar in kan cawn than dih an vun hau' tiah a chim. Atu hi a thar in ram lak ral thuam zong an ser than cuahmah lio an si i, hlan chan i ralkap thuam thing pawl hna zong kha an vun zoh than cuahmah lio hna an si tiah a chim. Malaysia le Thailand le ramdang dang zong ah training kai kan thlah hna lai a ti.
An ralbawi nih a chim chihmi cu 'ram lak training kai cu a har. Ruahsur caan a um. Thilpuan a cir caan a um. Hliam caan a um i, cu bantuk caan vialte ah i zohkhanh ning tbk tiang in cawnpiak than le training pek than dih an hau. An lungthin le ruahnak tiang in training pek than dih an hau a ti.
Thise ram a siah ram lak a siah tlangcung a siah raltuk ningcang kan cawnter dih hna a hau. President thing Obama nih a ser thanmi hna an si i, President Trump nih a thleng te lai maw theih a si rih lo. Ref: VOA News.