US cozah nih nihnihni ah US ah luh pi lo dingmi thil thar a khammi a um than. Lam pi ah tang loin direct a zuangmi vanlawng aa citmi paoh nih ken lo dingmi cazin thar an vun chuah. Ken lo dingmi hna cu laptop, iPad, camera, electronic thilri dangdang hna an si.
US official pakhat nih a chimmi cu 'kan khammi hi US ah direct in a zuangmi vanlawng paoh an si lai. Airport 10 an si i, ram riat chungin an si lai' a ti. Asinain airport min le ram min a langhter hna lai. A chimtu min zong langhter an duh lo. An khammi konglam zong fiang tein langhter an duh lo.
Zeiruangah dah an kham timi zong a fiang lo. US Homeland Security Department zong nih fianter an duh lo. HSD he aa tlaimi Transportation Security Administration zong nih fianter an duh lo. An i phurh khawhmi cu cellphone le medical device tbk hna an si lai.
NIthumni ah US State department le Arab ram upa tonnak an ngei lai i, an khammi hi a nung colh cang lai. Zeiruangah dah an kham timi theih a si lo. Tapung riantuannak thar a um caah maw a si? Sungthoh lei nih thawngpang thar an theihmi a um caah dah a si timi zong theih a si lo. Ref: TOI.