Barcelona le Spain pawngah nuamhnak hmun an sermi ah minung pahnih cu a rang taktakmi Rollercoaster an i cit. A ran tuk caah an hmai zong a sawng dih hnik. An mit zong tha tein an au kho lo. An aw zong tha tein an chuah kho lo.
An mit hmun a au ngam lomi an tam pi. Mi tampi nih cit an ngamh lomi a si. Asinain an i cit i rang taktak in an tlik lioah laileng nih pakhat pa hmaiah a pah i a thi colh.
A hmai zong thisen aa nalh dih. A ran tuk caah an i pah kaa ahcun zeidah a si timi a thei lo. Tlawmpal a vun rauh in a kehlei liang cungah lailen aa benh ko cu a hmuh. Laileng zong cu a tla kho colh lo. A liang cungah aa benh chih. Laileng cu a thai i a tla.
A hmaiah thisen zong aa nalh rih. Laileng nih a ke in a kheuh pinah Laileng zong a thisen chuah dawh a si. An i citmi a san hi pe 40 a si i, a ran ah hin second panga chungah 122mph a tli khomi a si. A ran ning hi kuan fang kal in a kalmi a si an ti.
A ran tuk ah hin cheukhat cu sok tiang in an ngah i cit than nolh an ngamh ti lo. Cheukhat cu an luak i an khah he an i ciah. Cheukhat cu an tum bak khin cun an taksa a therh thluahmah hna. Asinain cit phu a si ko an ti. Vawleicung ah nunnak a lauter cemtu Rollercoster a si tiah an chim. Ref: The sun.