President Trump phomhnak Syria raltuknak vanlawng chiahnak hmun cu fak taktak in a rawk ko. Russia President Putin zong a thinhung ngamsam. 'A hmaan lomi mi ramdang namneh' a si a ti. CNN zong nih President Trump an phomh colh. 'Phunghram a buar' an ti.
Ramdang kah ding in US President nih nawl a chuah hlanah Congress ah hnatlaknak lak hmasa lengmang a hau. Asinain President Trump nih Congress sinah theihternak zong a tuah lo; an hnatlaknak zong a la lo. Cucaah US phunghram a buar an ti.
Asinain Republican upa nih cun an thangthat tuk. Democrats lei belte cu an kaa an phih dih. Ramchung ah ruahnak phunphun a um. Pi Clinton zong nih a vun phomh len. Cu lawng si loin Russia leiin lehrulnak an vun tuah colh ve.
Syria ram kan runven cang lai a ti. An kah tlawmpal ah a raltuknak ti lawng a rak thlah. Syrian ram Tartus tilawng hmun ah Russia nih a raltuknak tilawng Black Sea Fleet’s frigate, the Admiral Grigorovich a rak thlah colh. Russian PM Dmitri Mededev nih a chimmi cu 'an kahmi hi international phung he aa kalh. Russia he kan i kah lonak ah kaar khat te lawng aa duh' a ti.
US le Russia pehtlaihnak a rawk cikcek tiah a chim chih. 'Al-Sharyat Air Base cu US Tomahawk missiel nih a hrawh cikcek' tiah Syria leiin ngiahlaitu minung pakhat nih a chim. Raltuknak vanlawng 20 an rawk, an tliknak lam zong an rawk dih, vanlawng remhnak thilri le a dangdang zong an rawk dih.
Minung pakua a thimi chungah hngakchia pali an thi tiah Syrian state media nih a chim. Tomahawk missile in meng 150 in an rak kahmi a si. 'Syrian ralkap paruk an thi tiah Syrian ralbawi nih a chim.
Syria ralkap an thihnak thisen
US nih Syria Airbase a kahmi hi kah phu a si ko tiah ram tampi Germany, France, Australia, New Zealand, Israel, Turkey, Italy, Poland, Saudi Arabia le Japan nih cun an chim. French Presidnet Francois Holland lengbang hna nih cun '2013 sivaidat an rak hman lio hmanh ah khan pei kah ding in kan chim cang kha' a ti. Ref: The sun.