President Trump hi chungthu lengnaal a si. Sivaidat ruangah a thimi hna hngakchia hmanthlak a hman riangmang i Syria raltuknak vanlawng hmun a phomh. Asinain kan ram ah Syrian refugee lut kho lo ding in a kham fawn hna. Chungthu lengnaal a si tiah a phomh chih len.
Texas ah politics kongah pumhnak an ngei i Pi Hillary Clinton bia a chim. 2016 thimnak a sungh hnuin poltics kongah a vun langh a voikhat-hnihnak hrawng lawng a si rih. President Trump cu fak ngaiin a vun phomh colh. Syrian refugee vial lak duh hna tung loin a kah hna a ti.
Asinain a chim thanmi cu 'Syrian President Bashar Assad nih hmailei ah sualnak a tuah ti lonak ding ah kan kham hi a herh tukmi a si. Asinain zahan zan i an kahmi naak leng tiang in riantuan a hau. Syria ramchung buainak hi kau deuh in ruah i donghter a haumi a si' tiah a chim.
'Syrian hngakchia kan runven hna ti lioah refugee kutkhar phih kenh hna hi a tha lo timi an theih lai ka zumh' tiah a chim chih. A chim duhmi cu President Trump cozah nih refugee kutkhar zong hi an phihpiak hna ding a si lo ti a si.
Inn Raang leiin biachimtu nih a chimmi cu 'President Trump nih hi tiang in Syria a kahnak ruang hi Syrian hngakchia hmanthlak a hmuhmi nih a lungthin a fahter tuk a ti.
Mah ruangah Trump nih a kah hlanah a chimmi cu 'tihnung tukmi sivai thli thurhnawm in sualnak ngei lo hngakchia - bawhte na thah hna tikah mipi cu kan lau tuk. Lam sen (red line) tam tuk na tan a si' tiah Syria a phomhnak hna a si. Ref: CNN.