Jessica Storer, 28, nih a sianghngakchia kum 18 pa cu a inn ah sex aa tuah pi. A inn ah sualnak an tuah hlanah ngaknu a tlangval nih sianghngakchia pa cu zu a dinh i, mah hnuah cun sex aa tuah pi. Ngaknu i a tlangval min Derrick a si i, kum 33 a si cang.
An pahnih in kum 18 pa le a hawile cu an inn ah len an sawm hna i zu an din pi hna. Biaceihnak zung ah biaceihtu Lilly Shun nih a chimmi cu 'a sianghngak cu pa zu a rit buin Mrs. Storer nih sualnak a tuah pi' tiah a chim. Asinain Mrs. Storer nih cun 'zu a ri lo' a ti.
'Zu ka ri ko tiah pei a kan chimh cu' tiah biaceihtu Shun nih a leh. Biaceihtu Randall Basinger nih bia a hal lioah 'kum 18 sianghngakchia pa he kan sual ko' tiah Jessica Storer fiang tein a phuan chih. Jessica Storer rian a tuannak hi USA, Ohio i Pandora-Gilboa High School ah a si.
Kum nga chung thongthlak a si lai tiah zumh a si. Zu a dinh ruangah a tlangval Derrick zong thla ruk thongthlak a si ve lai. Kum tling lo sianghngakchia sex tuah pi fak ngaiin hmalak lengmang a si. Hngakchia hmailei nunnak lam hrawhpiak a si an ti i, upadi nih hngakchia hi a runven tuk hna.
Jessica Storer le a tlangval Derrick nih kum 18 pa cu zu an dinh i a rit hnuah Jessica Storer nih a sual pinak kong an theih i December 21 ah khan Police nih an rak tlaih hna. Sianghngakchia pa nih Police sinah a chimmi cu November 25 zan ah zu kan ding i kan tuah tiah a chim. A thaizing zingka zong ah kan tuah than tiah a chim. Ref: The sun.