A taang cungah aa puakmi a fate cu a rak thi diam cang, asinain a nu nih a thei lo. Rosalin Baker, 25 nih zarh hleiruk (16) hrawng a simi a fanu te Imani cu a tang cungah aa puak dawr ah a len pi.
Lodon in nichuah lei Straford khua Bus an i cit. A tlangval pa nih a rak thlah hna. Asinain Bus cung an kai i a tlangval cu a kir. Bus chungah cun phone aa chawn i, a hnuah a fanu te a thihmi a hmuh.
Newham General Hospital ah a rannak in an tlik pi i, doctor te nih an chimmi cu a thihnak caan a sau cang an ti. A chunglei lu ruh a kuai i a tluak ah khawndennak a um an ti. A pum chung zong ah khawndennak hma an um.
A nu le a tlangval pa cu lainawng an si tiah sualphawh an si. Biaceihtu Nicholas Hilliard nih a chimmi cu 'hngakchia te hi a rak tuar tuk lai. An khawndennak zong a fak lai i, thlopbul loin an an vah pi.
Cu chung vialte cu a rak tuar lai i, a celh lo hnuah a nunnak a liammi a si ko lai' a ti. September 18, 2016 ah a cangmi a si i, May thla 18 ah thongthlak an si lai. Ref: The sun.