Norh Korea nih a voikuanak missile a hneksak hnu cun Russia thin a phang ngai cang. US nih North Korea hi zeitik ah dah a phomh te lai ti lawng an bawh cang. A ralkap hrimhrim cu ralrin taktak in a chiah cang hna. A ralkap zong atu le a tu ti awk in eksaisai a tuahter cang hna.
North Korea nuclear hrocernak hi Asia ram lawng an lungre a rak thei hrim lo. Russia tiang in an lungre a rak thei. Ningani ah UN Security Council meeting an thutnak ah US Secretary of State Rex Tillerson zong Russia le Taluk nih hriamnam cu la hrimhrim hlah u. Biaruahnak tu in buainak kan daihter ko lai an ti
Asinain Tillerson nih cun 'a hlan kan biaruahnak le hnatlaknak a buar cang caah biaruahnak ngeih pi than cu a si kho ti lo. A nuclear program donghter hamsa seh law biaruah kan ngeih lai' tiah fiang ko in a leh hna. A sullam cu North Korea he biaruahnak ngeih than aa tim ti lo. Nuclear le missile hneksaknak a tuah lengmang ah cun US nih a phomh te ko lai.
Russian Defence and security chairman Victor Ozerov nih a chimmi cu 'North Korea cawlcangh hi neihniam tein kan dothlat lengmang ko. Kan raltuknak vanlawng pawl zong timh cia in an um. Kan i runvennak system hna zong timh cia in an um ko hna a ti.
Norh Korea nih US hi vutcam ah ka ser lai tiah a hrocer lengmang. US zong aa ralrling tuk ve i Korea rili ah a raltuknak tilawng thazaang vialte a pon hnawh dih cang. Thinphan lo awk cu an tha ti lo. Asia ram hrawng cu an thinphan a dai ti lo. Philippine President Duterte zong nih an thinphannak a langhter cang.
Victor nih a chim thanmi cu 'kan ramchung hrimhrim ah missile tlakter kan duh lo lai lo. Missile hrimhrim kan thlakter lai lo. Kan ram kan runven dih lai a ti. Biachokva a ummi cu Russian President Putin nih North Korea sinah a missile a pek lengmang an ti. Ref: The Express.