Chin miphun hi Pathian nih ram kip ah lam a kan hruai i, a phunphun in thluachuahnak a kan pek cuahmah lio a si. Aw thatnak zong a kan pek chin lengmang, fimnak zong a kan pek chin lengmang, muidawhnak zong a kan pek chin lengmang.
Miphun dang hna sin le hmaiah a kan cawisan chin lengmang cang. Pathian zoh in Chin miphun kan lung aa rual i thazaang kan lak ti a herh lio caan a si.
Hi bantuk kan caan sunglawi hman thiam le theihthiam hi Chin miphun caah a biapi tuk. Kan hman thiam lo le kan theihthiam lo ahcun hi naak caan tha kan ngei kho ti lai lo.
Cucaah April 4-8 tiang rampum huap Model Zuamnak (Myanmar Stars Beauty Pageants) ah Chin State ai-awh in Chin tlangval Model thar - Benny Van Bawi Thawng - ai zuam ve caah kan miphun cawithlirtu a si khawh nakhnga vote rak pe ve dingin kan in sawm hna.
Kawlram pumpi huap in muidawh zuamnak tiang a phan khomi Chinmi kan um hi a sawhsawh a rak si lo. Pathian lamhruainak le caan tha pekmi a si.
Benny Van Bawi Thawng lawng nih a caan tha lak aa zuam lawng si loin a Chin miphun zong nih caan tha lak in vote pe cio hna u sih.
Benny Van Bawi Thawng hringtu nu le pa
Benny Van Bawi Thawng caan tha cu ka caan tha le na caan tha a si ve. Hi caan tha hi char thiam hna u sih law Kawlram pumpi hmaiah Chin miphun fong in chuak hna u sih!
A senmi http://pageantvote.co/pageants/48 hi hmet law a chungah Benny Van Bawi Thawng min na hmuh lai i a tangah Vote timi kha na hmet lai i na vote cu a tla ko lo. Na miphun caah na vote pakhat hi a biapi tuk.
Zuam Caan: April 4-8, 2017
Vote Caan: April 4-7, 2017
A konglam tawi:
A khua: Sopum
Min: Benny Van Bawi Thawng
Chuah ni: May 14, 2000 (Kum 17)
A San: 5'.10''
Umnak khua: Bahan Tsp, Yangon
A sianginn: Step Center Academy, Yangon
A pa: Rev. Dr. CK Hrang Tiam (Principal, MEGST)
A nu: Rebeca Rem Ruat
Zuammi: Mister Teen
Zuamnak: Mandalay
---------------------
---------------------