Russia, St Petersburg i vawlei tang tlanglawng Station ah fak tuk in bom a puak. Minung 10 an thi. Russia Tapung Dohnak Committe lei upa nih a chimmi cu 'bom an puahnak thilri zong kan hmuh cang' an ti. Asinain aho an si an thei rih hna lo.
Russia President Putin zong nih 'tapung riantuannak maw a si, a zei poah a siah kan hlathlai cuahmah lio a si' tiah a chim. Report nih cun 'hmun hnih ah bom an puak' a ti.
St Petersburg uktu (governor) biachimpiaktu nih cun 'minung 10 an thi i, minung 50 hma an ing a ti. A hnuah Russian National Anti-Terrorist Committee nih an chimmi cu 'minung 9 an thi i, 20 an i hliam an ti. Zeiruangah dah a puah? Ahodah a puahtu an si kan thei rih lo a ti.
'St Petersburg ah Russia President Putin a rak leng tlawmpal ah a puak' tiah a biachimtu Dmitry Peskov nih a chim. Putin cungah a lungtling lomi maw an si lai, ISIS riantuannak dah a si lai timi an thei rih lo. An hlathlai cuahmah lio a si.
St Petersburg metro hi vawleicung ah aa manh lo bik le rian a tuan bikmi 19 nak ah aa telmi a si. Ni fatin in million pahnih leng lengmang metro aa citmi an si. Cu hlanah cun hi bantukin bompuah a um bal lo.
Asinain hmun dangdang ah bompuah tbk a rak um lengmang. 2010 ah bom a rak puak i 38 an rak thi. 2009 ah Moscow le St Petersburg karlak ah a rak kalmi tlanglawng an rak puah i 27 an rak thi i 130 an rak i hliam. ISIS an rak si. Asinain tutan hi aho an si an thei rih hna lo. Ref: BBC.