Preisident Trump fapa Eric Trump a um kho ti lo. Bia a vun chim ve cang. A pa nih Syria a kah hnuin bia tampi a chuak. Cheukhat nih cun Trum cu Putin hnuzultu bantukin an chm lengmang, asinain Eric Trump nih cun phundang ngaiin a vun chim ve.
'Syria a kahmi nih a langhtermi cu Russia President Putin nih duh poah in ka pa (US President) hi a thui khawhmi a si lo' tiah fiang ko in a vun chim. 'Ka pa cu fak piin khua a ruat khomi a si. A duh paoh in a holhmi le a nungmi a si lo. Dirhmun ngei a si' tiah a chim chih.
Daily Telegraph ah a chimmi cu 'Syria a kahmi cungah ka uarthlaar pi tuk. Tha tein a ruah hnuah a kahmi a si. Midang nih an thihpheih khawhmi phun a si lo. Ka pa cu a khohchomi a si i, duh poah in an mer i an monghmi minung a si lo' a ti.
President Trump nih hin Syria kah hi a duh bal lo. Obama chan lio hrim in a rak duh lo. Asinain sivaidat an hman i hngakchia an thihmi hmanthlak a hmuhmi nih Trump ruahnak a thlen dih. Trump lawng hmanh si loin vawlei kip nih phomh phu an si.
Eric Trump nih a chim thanmi cu 'sivaidat a tuarmi hngakchia hmanthlak a hmuhmi nih a lung a fahter tuk a ti. A peh thanmi cu Syria kahnak tiang a phanhnak hi Ivanka Trump nih thil ti khawhnak ruang zong ah a si kho men' tiah a chim chih.
'A chim thanmi cu 'ka far Ivanka Trump hi fa pathum ngei a si. Ka pa cungah hmual a ngei kho men. 'Ka bia ngai ko. Hihi cu zoh sawhsawh awk a tha lomi a si' tiah ka far nih a chimh hrimhrim lai' tiah a chim chih. Ref: The sun.