Taluk ah kum 10 hngakchia pa te cu sianginn in a rak tin hnuah hin TV a zoh tawn. A sinain nikhat cu a pa nih sianginn na tin cangka in TV na zoh ti lai lo a ti. Kaa khat hmanh chim loin ihnak khaan chungah a lut.
Cuticun thinhung ngaiin a inn khaar cu aa khar khumh. A min din ah Lv tiah an auhmi pa te cu caan tlawmpal a rauh hnuah a ihnak khaan thlalangawng in a zuang tiah police nih an chim. A zuannak hi dot hleikua sang a si caah vawlei a phak cun a thi colh an ti.
A zuan lioah CCTV nih a lak. Zanlei suimilam 6 ah a si. A thlak ahhin motor cungah a thla hmasa i mah hnuah vawlei ah a thla than. A tlakmi motor thlalang zong a kuai dih aa tim. Sianginn a rak tin kaa te a si i, caan zeimaezat chung TV ka zoh ta lai a ti. Asinain a khohcho ngaimi a pa nih TV zoh a sianh lo.
Na ca zoh ko tiah cazoh tu a fial. Police nih an chimmi cu 'bia kaa khat hmanh chim loin a ihnak khan chungah a lut.Tlawmpal ah a thlalangawng a on i a zuang colh an ti. Fiang deuh in thil sining cang kong an hlat cuahmah lio a si. Ref: The sun.