Kum 27 lawng a si rihmi Iskra Lawrence hi model pakhat zong a si, a mui zong aa dawh ngamsam fawn, a tungtai zong a khanh i, tawh hrim a tha kho tuk. Nai hrawnghrang cu a pumrua a vun i langhsarter chin lengmaang. Ka cuai (kg) ka vun i thla i, kaa rem deuh cang a ti.
Minung pakhat nih a commentmi cu na thia chin lengmang cang a ti. Iskra Lawrence nih a lehmi cu ka cuai (Kg) kaa thlak lengmang lio a si tiah a leh. Atu lio ah British model ah cun an herh bikmi le an man cemmi a si. A hmanthlak zoh hrimhrim in a fiang ko. Nizan ah Santa Monica Pier ah hmaan aa thlak len an hmuh.
A pumrua kong an hal. Iskra Lawrence nih a haltu Anita Rani le James Martin sinah a chimmi cu 'ka pumrua hi kaa uar tuk ko. Kaa sersiam lengmang.
Cikhat lawng a si lo; nunchung in kaa sersiam dingmi a si ko a ti hna. Ka ke zong fa deuh chin lengmang seh ti ka duh. Ka baan he aa milh lo. Ka taksa hi an nal tuk' a ti.
A chim thanmi cu 'ka pumrua le taksa hi an tlamtling rih lo. Ka sersiam than lengmang an hau ko. Kan thlamtlin lonak soisel ding in a chuakmi kan si lo, asinain kan umnak society nih kan sining a kan chimh tawn. Media an siah kan society an siah kan tlamtlin lonak a kan chimh lengmang a ti. Ka sining taktak in um ka duh; midang zong nih ka sining taktak ka hmu hna seh a ti.
Iskra Lawrence hi a riantuannak model ah a hlawhtling taktakmi a si. Fans zong tam tuk a ngei. Arcadia Magazine phaw zong a hmanthlak an cuantermi a si. A muidawhnak le a pumrua nih zoh a coter lengmang ko lai an timi model pakhat a si. Ref: The sun.