Social media capo seihnak ruangah a fapa kum 11 Tysen Benz cu amah tein aa that. Hringtu a nu cu a lungthin a khuai dih cikcek. A fapa hi lentecelh a zuam, duh a nung, mitha a si i, mi kip nih duhmi le zohthlami a si.
Asinain internet caposeihnak ruangin a nunnak aa la diam! Kum note zong a si i, hngakchia zong a simi nih zeiruangah dah amah le amah aa thah? Amah le amah aa thahnak kong an hlat cuahmah lio a si.
Internet hmang in capo an seih i a tuaitam lengmang. Asinain a chunglei kong tiang an langhter rih lo. Amah tein thah aa tim i fak ngaiin aa hliam i March 14 ah sizung ah a rannak in an kal pi. Zeitin dah aa hliam ning a si timi zong langhter an duh lo.
Zarh thum hnu April 4 ah a nunnak a liam. A nu Katrina Goss cu a celh lo i a lungrawk tuk hringhran. Nawlngeitu police nih aa thahnak ruang an hlat cuahmah lio a si. A nu nih a chimmi cu 'nihnihni April 4 tiang nunnak thaw an peknak in a a kan nun pi.
Atu cun ka fapa cu a luat cang. Daihnak ah aa din cang. Mi kip nih an dawt i an theihmi a si. Zeitik hmanh ah kan philh lai lo. Zeitluk in dah social media caposeih a tihnung timi hi aupi cio hna u sih law doh cio hna u sih a ti. Ref: The Sun.