Zawng rual hna sinah khua a sa vemi kum riat nu an hmuh i an tlaih. Zawng bantukin a vak i a ngeu i a cawlcang ve. A min ah 'Mowgli' tiah an auh. Minung bantukin a kal lo. Zawng bantukin a kal. Minung holh a thiam lo. Saram minung an ti.
India i Bahraich ah an tlaih ahhin minung a tih tuk hna. India le Nepal ramri congtu ralkap Suresh Yadav nih a hmuh. Zawng rual hna he an tlong i an vak ti. Zawng umning paoh in a um ve i a ngeu ve. Zeitin dah zawng sinah a phanh ning a si timi an theih kho rih lo.
Zei caan sau dah zawng sinah khua a sak cang timi zong an theih rih lo. Asinain an hmuh ahhin thilpuan aa hruk ko ti a si. A thilpuan zong a chia tuk cang an ti. Kheng in rawlei zong a thiam lo. Zawng bantukin rawl a ei.
Ni kum ah South America ah zawng nih an cawmmi nu pakhat an rak hmuh cang. Oxana Malaya ah uico nih an cawnmi nute zong an rak hmuh cang. Cinghngia nih an rak cawnmi Mowgli tuanbia zong The Jungle Book ah kan hmuh bal.
Atu i an hmuhmi nu te zong zeitin dah ram lakah zawng sinah a phanh i a nun ning a si timi an khuaruahhar tuk. Yadav nih a tlaih lioah hin zawng bantukin a ngeu hnawh i a hawile zawng pawl zong nih a rak ngeu hnawh len. Aa zuam chih hnuah a tlaih khawh i atu cu sizung ah an um cang.
Doctor zong nih zohkhanh an i harh ngaingai. A tih tuk hna. Ref: The sun.