Hlasak thiam Justin Bieber ngaknu thing Sahara Ray nih Instagram ah a taklawng hmanthlak a rak tar i a zohtu an tam ning hi thopaw ruak a tlanhmi hngerhte bu ko an lo hna. Australian muidawh, model le takkholhnak angki muisertu (designer) nih Social media a vun linhsatter hringhran.
A ningzak lo. Kum 23 Australian muidawh nu Sahara Ray nih zarhpini ah a ihkhun cungah aa tlakmi a taklawng hmanthlak a si i, a fan caah a rak tarpiak hna. Aa phoih dih cikcek. A pum cungah zeihmanh a um lo. A lukheng in a ke phak tiang a lang dih. Muidawh lawng si loin a pumrua le tungtai hrimhrim a rak i dawh tuk.
A kut in camera aa tlaih pah. A kut a samh dih i, a ke zong a samh dih. A ihkhun cung i puan raang cungah aa phorzar dih cikcek. Mitthlaam in suaisam ding tang loin a fan pawl cu a dangh hna. Minthang le muidawh pawl hi a caan ahcun an fans pawl dangh an hmang tawn i an luan deuh lengmang tawn.
Comment petu an tam khawh ning hi rel cawk zong an si lo. Minung pakhat nih 'soisel awk pakhat taktak te hmanh a um lo. A tling kho tuk' tiah a tial. Minung pakhat nih 'aa phozaar tuk luammam' tiah tawi tein a tial. Minung pakhat nih cun 'A thisen a kai hih! Ti lengmang ko' a ti.
Ni kum hrawngah khan cun Justin Bieber he an rak um ti lengmang. Mipi lak zong ah an chuak i, tiliohnak zong ah an um. Taklawng tiang in caan an rak hmang. An rak zohthla ngai hna nain a hmai zarh Bieber cu ngaknu dang he an hmuh than hna. Ref: The sun.