Mah Video Nih President Trump Thin A Hunter Kho Tuk

Naite i North Korea missile hneksaknak nih President Trump thin a hunter tuk cang. Financial Times ah fak ngaiin a chimmi cu 'North Korea cawlcangh hi Taluk nih tha tein a rengh khawh lo ahcun, mah cu lawng a tang cang. Keimah ka cawlcangh a hau cang a ti.

'President Trump a term khatnak hmanh ah North Korea nih nuclear le missile in US a kan khawh te lai' tiah Inn Raang National Security Deputy ruahnak petu KT Mcfarland nih a chim. North Korea cawlcangh hi US kan caah a tihnung tuk cang tiah an hmuh cang. 

President thing Obama zong nih North Korea nuclear le missile program kongah ralrinnak a rak chim cang. Trump chan ah a zual khun an ti. April thla chungah Taluk hruaitu Xi Jinping le President Trump tonnak an ngei lai. North Korea kongah ka ceih pi lai tiah Trump nih a chim.

A chim thanmi cu 'North Korea cungah nawl a ngei bikmi cu Taluk an si. Taluk nih zeitin dah rian an tuan te lai. A kan bawm lai maw? A kan bawm lai lo dah? A kan bawmh ahcun Taluk caah a tha tuk lai; a kan bawmh lo ahcun aho ca hmanh ah a tha lai lo' tiah fak ngaiin a chim. 

US Florida ah tonnak an ngei ding an si. President Trump nih cun 'kan i tonnak nih thil tha a chuah pi lai tiah ka zumh' a ti. 'Taluk le an hruaitu XI hi ka upat ngaimi hna an si' tiah a chim chih. Tu thla thawh kaa ah North Korea upa pakhat nih a chimmi cu 'meng  1000 a kal kho i US a kap khomi missile kan hneksak lai. 

North Korea nih a missile a hneksak lio

Kan nuclear le missile thazaang kan thawnter chin lengmang lai a ti. Ralkap lei upa nih an chim thanmi cu 'Kim Jong-un nih a hriamnam thazaang US hmuhsak a duh hna. Hmaithla ah kan missile kan hneksak than lai an ti. US nih fak taktak in dantat than ding in timhnak an ngeih. 

Trump cozah nih dantatnak kong an ruah cuahmah lio a si tiah US ralkap lei upa pakhat nih a chim, asinain UN ah thlahmi North Korea Ambassador nih cun 'an dantatnak hi fih a nung i minung riantuan zong a si lo' tiah fak ngaiin a phomh ve hna. Ref: The sun.