WC-135 Constant Phoenix ti zong in an auh i nuclear rim hnimtu ti zong in an auhmi US ralkap vanlawng cu North Korea vaan ah a rak phan. Poipang herhmi thil kongah rak thlahmi a si an ti. North Korea nuclear rimhnimhter awh ah rak thlahmi theo a si lai an ti.
North Korea he biatak tein entainak an ngeih i nuclear hriamnam hman ding in timhnak an ngeih len hrawnghrang ah khan US nih a rak thlahmi a si. North Korea vaan in a rak ra i Japan, Okinawa khua i Air Base Kadena ah a tum. Missile le nuclear hriamnam an hneksak hrawnghrang ah rimhnimtu ah hmanmi a si.
Zeitluk tiang dah nuclear thilri (radioactive) aa tel timi hlatnak caah hmanmi a si. North Korea hi a voiruknak nuclear hriamnam hneksak ding in timh cia a si cang an ti Zahan zarh ah khan hneksak ding in a rak chim nain a hneksak than lo. February ah Europe ram leiah a rak zuang bal cang.
Norway cungin UK Air Base ah a rak tum. Mah hnuah Asia ram leiah a rak phan. South Korea le US ralkap eksaisai tuahnak zong a rak zoh hna. Vice President Mike Pence nih a chimmi cu 'biaruahnak nih hlawhtlinnak a chuah pi lo ahcun kan vainam timh cia a si cang' tiah a chim.
North Korea nih nuclear hman ding in timhnak a ngei peng. US nih ralkap in a kan kah ahcun kan nucelar in kan phomh colh hna lai an ti. Taluk nih biatak tein a vun tlangtlak cang hna. North Korea rili zong ah a ralkap a thlah hna. Hrocernak zong an va tuah len. Russia zong nih a ralkap le a tank a rak thlah hna.
Hi vialte cawlcangh le chimhhrinnak nih North Korea lung a nemter lo ahcun US caah thim ding lam a um ti lai lo. A phomh taktak cang ko lai. Ref: The sun.