Israe Defense Minister Avigdor Liberman nih nirukni ah 'North Korea hruaitu hi a molh i, a kalsualmi a si' tiah a chim. North Korea nih an vun phomh colh. North Korea foreign mnistry leiin an vun lehmi hna cu kan ram sersatnak le hruaitu sersatnak bia nan chim' an ti.
An chim thanmi cu 'kan ram hruaitu a nihsawh i a soiselmi cu zaangfahnak ngei loin dan kan in tat hna lai. Kan ram le kan hruaitu thangchiatnak le soiselnak nan chim hlanah voihnih ruat hmasa u tiah Israel zong ralrinnak kan pek cang hna tiah Pyongyang foreign ministry leiin an chim.
Israel nih nuclear phunglam zong nan buar i Muslim ram kip ah Arab miphun phung zong nan buar tiah an sual an puh chih hna. An chim thanmi cu 'Israel lawng hi phungning loin nuclear a ngeimi an si i, US nih an dirkamh chinchap rih hna. Asinain North Korea nuclear kan ngeihmi kongah nan i tlak ve' a ti.
Nilini ah Liberman nih a chimmi cu 'Naite nuclear a hneksaknak in Norh Korea nih lam sen (red line) an tan cang. Iran le tapung dangdang hna naak hmanh in Norh Korea nuclear le missile hi vawlei pi caah tih an nung deuh' tiah a chim.
Khuaruat kho lomi minung hna nuclear le missile hna hmaiah kan um thiamthiam tiah a chim chih. A chim duhmi cu North Korea, Syria le Iran tbk hna hmaiah kan um thiamthiam. An kan phan rih lo ti a si. Zionist Union leiin MK Shelly Yachimovich nih 'a za tawk in ral kan ngei cang. Dironh lawlaw hna u sih' a ti ve.
Liberman nih 'Norh Korea hruaitu Kim Jong-un hi a hrutmi a si. Syria, Iran le Hezbollah hna he an i tlai hna. Sualnak a chuahnak hmun le ram an si. A hrutmi bu an si. An ruah khawhmi cu vawleicung hrawh hi a si' tiah fak taktak in a phomh hna. Ref: TOI.