North Korea nih US zei an rel lonak an langhter chin lengmang. Tuan deuh i an pu Kim II Sung chuahcamtuak kum 105 tlinnak ah video deu an ser i, video deu ahcun an missile le nuclear in ciam dih in US an kahnak an piah. An kahnak video ah cun US aalan le thlaanlung an langhter.
Atu ah an tuah than i, North Korea ralkap nih US raltuknak vanlawng an khanghnak video deu an ser than. Taluk zong nih North Korea ralrinnak an pek hi a tam ngai cang. Nuclear in kan phomh hna lai tiah an hrocer hna ah khan Taluk Foreign Minister Lu Kang nih a mawhchiat cang hna.
Asinain atu zong a thar in US raltuknak video deu cu an ser than i, an khangh dih. Kim Jong-un nih nawl a pekmi hna a si an ti. Taluk ralrin peknak zong a la duh lo timi a lang. An video deuh ah cun US raltuknak lawng cu alh cuahmah cun an khangh i US ralkap nih an runven chih len.
An khangh ning cu vanlawng tang in mei bawlung alh pi an rak chuahter i vanlawng cu meialh nih a tuam dih. Cuticun US raltuknak vanlawng cu an khangh dih cikcek. Hi thil an tuah hi an ramri leiah Taluk le Russia ralkap an rak ratnak video a chuah hnuah a si.
North Korea le US karlak entainak hi zeitiang dah a phak cang timi theih a si rih lo. North Korea nih zeitin in dah a missile a hneksak te lai ti lawng an bawh cio ko. Cheukhat nih an chim ning ahcun North Korea nih a voiruknak nulclear ka hneksak lai a timi caan a luan ngai cang an ti. Ref: The Express.