North Korea nih US a kap kho ding missile le nuclear ngeih ding cu President Trump nih a ruah khawh lomi a si. Campaign lio hrimhrim in fak tuk in a chim cang. Taluk zong North Korea rengh ding in atu le atu in phone a chonh. Korea rili tiang ah a ralktuknak tilawng a pon hnawh dih cang.
Zeitluk in dah President Trump a khon timi cu Republican pacan Senator Lindsey Graham nih hitihin a chim. 'North Korea si ning law President Trump hi ka hneksak chih ti hnga lo' tiah a chim. A chim thanmi cu 'ralkap thazaang hman hi a donghnak taktak thil khi a si.
Asinain phenhei cangmi North Korea ram nih dong loin a kan hrocer lengmangmi cu ralpi pathumnak hmanh a chuahter te ko lai. Russia, Taluk le South Korea tiang in an lut te lai' tiah a chim. Bia an hal lioah Graham nih a chim thanmi cu 'Trump nih raltuk a duh lo. Ahohmanh nih kan duh cio lo' a ti.
'President Trump nih missile ngeihter a duh hna lai lo. Asinain North Korea nih US a kap khomi missile ngeihnak leiah a panh chin lengmang. Ngol aa tim lo. A tlai tuk hlanah Taluk nih a tlaih a hau. US nih Taluk zong dong loin kan auh cang' tiah a chim.
Senator Cory Gardner nih a chim vemi cu 'North Korea khamnak ding ah lam pakhat kan ngeihmi cu Taluk hi a si' Sipuaizi in a siah diplomatic lam in a siah Taluk lawng nih a tlaih khawh cangmi a si. Taluk lungkhonnak hi North Korea ralthatnak zong a si rua tiah ka ruah. Taluk nih aa zuam deuh a hau ko' tiah a chim. Ref: The Express.