Syria nih mipi cungah sivaidat an hmanmi hi cohlan awk a tha lo tiah fak taktak in an kah hna. Asinain Russia nih cun hmai dang in an rak hmuh. Syria kah an duh caah an thluak in rian an tuan i raltho bu dang hmang in sivaidat kahnak hi a chuahnak a si. US thluak a si an ti.
Putin nih Italian President Sergio Mattarella he conference an ngeih lioah a chim thanmi cu 'information tampi kan ngei. Syria ramchung ah timhnak an rak ngei dih cang. US nih Syria kah a duh caah hi tiang in raltho bu dang nih an tuahmi a si' tiah a chim chih.
Nihnihni ah Putin nih a chim thanmi cu 'US nih a hmanmi taktik (tactic) Iraq a kah lai i a hmanmi taktik he aa khat. 2003 ah khan US nih UN Security Council ah Iraq sivaidat hriamnam ngeihmi an rak langhter. Iraq hi kan tuk a hau ko an rak ti i ralkap in an rak kah hna. Iraq ram cu an hrawh dih.
A hnuah ISIS tapung an tho. Vawleicung ram kip tiang in tuar dih an si. Atu zong US nih kha taktik kha hmang in Syria ramchung ah raltho bu dang hmang in sivaidat an chuahter i Syria an kah than. An hawile nih an lu an sukpiak hna i an dirkamh hna' tiah a chim.
President Putin cu a lungtling lo ngai. 'Syria a kahmi cu hramhram in ramdang namneh a si. International phung zong a buar a ti. Asinain ramdang leiin hruaitu kip hna hmuh ning aa dang ve. 'Trump nih Syria a kahmi hi a hmaanmi a si i, a herhmi zong a si' tiah an thangthat cio. Ref: CNN News.