Syrian ralkap cozah nih mipi cungah sivaidat aa telmi hriamnam a hmanmi kongah President Trump a thinhung tuk. Inn Raang lei upa hmurka in a chuakmi cu President Trump nih Syria kah ding in aa tim cang an ti.
Presdent thing Obama naak in a khohcho deuh timi mipi nih ka theih hna seh tiah Syria kah a timh cang an ti. North Korea ca zong ah cawnpiaktu a si lai tiah an chim. Nihnihni ah North Korea zong na nuclear program na sermi hi nan ngol a hau cang tiah a chimh hna.
Washington DC official lei upa nih London upa hna sinah an chimmi cu Syrian khua hmun zeimawzat cu lamhla a kap khomi missile in a kah colh men lai an ti hna. Syrian sivaidat hmanmi kongah Russia nih a dirkamh peng rih. Hi kongah a veto nawlngeihnak a hman ahcun a kah te ko lai tiah an chim.
Congress zong ah President Trump nih a chimmi cu ralkap in kahnak lam ka ruah cuahmah lio a si a ti hna. A chim thanmi cu 'nihnihni zingka i sivaidat aa telmi hriamnam in mipi an kah hna i minung 87 an thihmi cu lam sen (red line) a tanmi a si cang' a ti.
Senior official upa lei zong in an chimmi cu 'Trump nih a chim bantukin a tuah ko lai tiah kan zumh an ti. Obama he kan i dang timi hi Syria zong nih kan thei seh law North Korea zong nih kan thei seh tiah cawnpiak a duh hna tiah an chim chih. Ref: The sun.