US nih Syria raltuknak hmun a kahmi cu Russian official nih an zai hnawh colh hna. Nilini zan US raltuknak tilawng nih Syria raltuknak vanlawng chiahnak hmun Tomahawk Missile in voi 50 leng a kah. Russian zong an i tel ti a si, asinain a thimi le aa hliammi kong an chim lo.
Tomahawk kong
A tawi-sau hi pe 18 hrawng sau a si
A kal khawh zat hi meng 800-1500 tiang a kal kho
Suimilam pakhat chungah meng 550 a kal kho
Rili cungin kahmi a si i, radar nih a tlaih lonak ding ah vawlei hri tein a kalmi a si.
1991 ah Operation Desert Storm ah US nih voikhat a rak hman cang
Russia lei upa nih hitihin duh lonak an vun langhter. 'Syria an kahmi nih ISIS tapung ral kan dohnak thazaang an derter. A rannak in UN Security Council meeting kan uahter lai. Syria an kahmi cu UN chungtel pakhat an namneh a si. Al Shayrat raltuknak vanlawng chiahnak hmun an kahmi cu a poi ko.
A herh ahcun ralkap riantuan tinak le pehtlaihnak kan ngeihmi zong kan donghter lai tiah Russia ralkap lei upa Viktor Ozerov nih a chim.
Israel leiin Prime Minister Netanyahu nih 'President Trump nih a bia le a tuahsernak in bia a kan chimh cang. Hi bantuk hriamnam thalo hman hi aho duhmi hmanh a si lo timi a langhter. Israel nih President Trump biachahnak kan dirpi' a ti.
Nak Viar In An Phomhnak Hmun
'Mipi cungah sivaidat tel hriamnam hman hi kan cohlang kho lo' tiah US ralkap inn pi leiin Jeff David nih a chim.
Iranian Foreign Ministry spokesman Bahram Qasemi nih fak taktak an vun phomh ve hna. 'Aho ram hnatlaknak tel pi loin Syria Al Shayrat Airbase an kahmi h fak piin kan mawhchiat. Hi bantuk cawlcangh nih ISIS zong a thawnter chin legmang hna lai. Syria zong an buaiter chin lengmang' an ti.
Iran hi sivaidat a tuar fak cem an rak si. Iraq he an rak i doh lioah sivaidat in an rak kah hna i Iran mipi le ralkap tam tuk an rak thi. Ref: CNN.