New York, California le San Francisco ah fak tuk in mei a mit i a thongthong in mei loin an um. Setzung riantuannak zong khuaci an mui ti a si. Russia le North Korea an si ko lai tiah kutdong in an sawh colh hna. California zong a mit i, inn 90,0000 leng mei loin an um.
Rian zong an tuan kho lo. Cawlcang kho loin a tuah hna tiah theih a si. North Korea nih US mei a phomh lai tiah CIA director thing nih ralrin peknak a chim hnu ni zeimawzat ah a cang colh.
San Francisco lengbang cu mei thazaang in an hmanmi motor traffic le setzung tbk vialte daidup an thi dih hna. Riantuantu vialte tartahak in an um dih. Buaicur in mipi an um hna. Hi bantuk thil hi a sawhsawh a si lo. Russia an siah lo cun North Korea an si ko lai tiah minung pakhat nih a tweet.
Joe Bowers nih a tial thanmi cu 'Russia an si lo ahcun North Korea an si lai. A kan doh ko cang hih. Ka huat tuk hna' a ti. Ningani zing cu mei thazaang aa bochanmi paoh cu lengah chuah khawh an si lo. Suimilam pali a rauh hnu an rak ra than ti a si.
FBI nih kan zoh cuahmah lio a si. New York mei mit ning cu khuaruahhar a si. Zeitin dah a mih ning a si timi theih zong a har an ti. CIA director thing James Woolsey nih a chimmi cu North Korea hi electromagnetic dohnak thazaang a ngei' a ti. Ref: The sun.