US le Russia karlak ah lunghngiarnak a um cuahmah lioah President George W. Bush chan ah CIA sungthoh thing zong a rak si i, National Security Agency Director thing zong a rak simi nih a chimmi cu raltuknak chuak seh aw Russia caah miaknak a um lai lo a ti.
'Russian he ahohmanh nih ralkap an duh lo, asinain kan chimh hmanh hna lai. Russian nih US he raltuk a duh taktak lo' tiah aa din cangmi US Air Force Gen. Micheal Hayden nih CNN News ah a chim. 'US sinah cun a thawnnak a fa tuk' tiah a chim chih. US sinah cun an tlak lo tuk a ti.
Naite ah Alaska rili pawngah Russia bom thlatu vanlawng pahnih an hmuh hna hnuah a chimmi a si. 'Zaangfak an si' a ti. A chim thanmi cu 'Alaskan Air Force training peknak caah caan tha ngai a si ko cuh' tiah voihnih tiang Russian vanlanwg an hmuh hna hnuah a chim.
Hayden hi President Trump a soisel ngaimi a si. Asinain Syrian Air Base a kahmi le ISIS cungah Mother of All Boms a thlakmi cu a lungtling kho tuk. 'President Trump thil ti hi a tha i a mak kho tuk' tiah a thangthat len. Asinain North Korea kong ahcun a lungretheihnak a langhter.
'Kanmah nih kan linhsat tuk sual maw?' a ti. 'Asia nichuah-chak ram ah buaibainak ser kan timhmi a lo cang' a ti. Trump cozah nih North Korea a hrocernak le raltuknak tilawng phuh a thlah hnawhnak hi Asia ram cawnpiak bantuk cang. North Korea le Taluk caah cawnpiak bantuk a si cang.
North Korea hi an rengh lo i, thil kal ning aa thlen lo ahcun hi hnu kum nga hrawng ahcun North Korea nih nuclear in US Seattle a phomh khawh cang lai tiah ralrin peknak bia a chim. Ref: CNN News.