Nizan ah vui kong kan tial cang. Ti an dinnak ah pakhat cu tisaartlam nih a seh i a kal kho ti lo. A a nawr ah a seh i an i tap cang. A hawile nih an rak kir hnawh than i an khamh i a luat kho than. Atu video hi zoh than law vui an rak fim ning hi na khuaruahhar than lai.
Khur chungah a tap i chuah aa tim lengmang. Amah tein a kai i a chuak kho lo. Caan zeimawzat a rauh hnuah a nu a rak ra i khur chungin a chuah i a luat kho. Saram dang nih cun an theithiam hnga lo i, a thih tiang a tap beh hnga, asinain vui nih cun an rak theih i a chuah khawhnak lam tiang bawmhnak khawhnak fimhnak zong an rak ngei.
A senmi hmet: Vui Fimnak Nih Na Khuaruah An Harter Lai
Minung pakhat nih comment a tialmi cu 'saram sinin cawn dingmi tampi kan ngei. Nu le pa nih fale kan herh caan ah a kan bawmh. Kanmah tein kan i zuamnak hi an zoh hmasa ding a si. Kanmah tein kan si khawh lo hnuah a kan bawmh ding a si. Kaa lawm' a ti.
A chim duhmi cu 'khur chungah a tapmi vui te hi amah tein aa zuam lengmng i a chuah khawh ti lo hnuah a nu nih a rak bawmh i a chuah. Minung zong kanmah tein kan i zuam i kan ti khawh ti lo hnuah bawmh ding kan si' tiah a chim duhnak a si theo lai.